Ten o seu berce a 700 m. de altitude, en Sta. Maria das Brañas (Toques), cerca do Marco das Pías, da confluencia de varios regatos que baixan dos montes do Corno do boi, na vertente occidental da Serra do Careón. O seu curso adopta unha dirección N-SO, e ten un percorrido de 20 km. Despois dun percorrido entre montanas chega o gran Val de Furelos na Comarca da Terra de Melide.
O rio Furelos ten unha ampla conca de 151,6 kms. cadrados, e proporciona un caudal de 6,63m3/sg ó río Ulla. É o segundo en aportación de caudal na provincia de A Coruña despois do río Sar.
Os seus afluentes mais importantes son o río Catasol ( VEDADO polos vertidos de purín e alcatrán dos anos 2007-8) e o río Martagona, sen esquencer o regato da Capela e o de San Martiño.
Tratase dun excelente río con varias entradas, facil de andar e badear. A pesca no río Furelos atopa augas frescas e limpas durante gran parte do seu curso. Cremos que o cauce e o seu entorno (afluentes) cunha boa xestión podrían ser auténticos criadeiros de troitas.
O río Furelos recorre o Concello de Toques, despois o de Melide e tamén o de Santiso. En todo o seu cauce abunda a troita común (Salmo Trutta) e soe dar boas e abundantes troitas. É un río medio de 10-12 m de ancho.

Diferencianse varias zonas de pesca:
1º.- Zona libre dende o seu nacemento con zonas difíciles de andar e onde o río discurre con forza ate Souto (Toques), donde ainda indo estreito podese pescar fácilmente ate chegar a Ponte de Fraga onde escomenza o Couto.
2º.- O Couto de Furelos dende a Ponte de Fraga (Toques) á Ponte Romana (Melide) cun percorrido de 9 kms, atopamos todo tipo de augas, dende calmadas e non moi profundas ate zonas de correntes que permiten o disfrute de todo pescador sexa cal sexa o seu método de pesca.
3º.- Zona Vedada dende a Ponte Medieval de Furelos (Melide) ate a Ponte de Portochao cun percorrido de 3 kilómetros.
4º.- Zona Libre dende Portochao ate a desembocadura no Ulla na Ponte Arcediago (Santiso), con percorridos fáciles de andar e troitas de bon tamaño, un dos mellores tramos libres que ofrece Galicia.

ver mapa

Na parte media do río está a Ponte Mazaira, actualmente en estado ruinoso por ambos lados.

Este é o noso gran río

A Asociación de Troiteiros Río Furelos representa as inquedanzas dos troiteiros e tamén dun numeroso colectivo de persoas que disfrutan, ou pretenden disfrutar, da natureza na comarca da Terra de Melide.

O río estaba plagado de arames de espiño, cercados nos ameneiros, verquidos de purín, lixo, lavadoras, rodas de camión, somieres... e como non tamén de indesexables que utilizan 'malas artes' para pescar (chumbeiras, redes, ganchos...)

Está no ánimo desta Asociación a loita contra todos estes elementos que deterioran ou perxudican gravemente, nalgúns casos os nosos ríos.

Por iso dende a Asociación de Troiteiros Río Furelos, instamos a todos os interesados no coidado do río, a poñerse en contacto connosco para ir solucionando os problemas que se presenten.

DISFRUTA DO RIO E DO SEU ENTORNO

asociaciondetroiteiros @ gmail . com

Ahí vos deixamos dous pasatempos para que vos divirtades un rato. Desta volta non imos dar pistas... un saúdo a todos.

Fdo.: Asociación de Troiteiros 'Rio Furelos' -insistimos, ¡non damos pistas! ;-)

A Asociación de Troiteiros “Río Furelos” manifesta a súa satisfacción polo importante convenio que vén de asinar coa Fundación Centro Cinexético e Piscícola de Galicia.

As dúas Asociacións asinantes declaran ter os mesmos intereses na defensa das augas galegas ao tempo que se comprometen a levar a cabo todo tipo de actividades de carácter pedagóxico e instrutivo coa finalidade de promover nos afeccionados á pesca unhas prácticas acaídas co imprescindible coidado dos nosos ríos.

Asinado o día 12 de novembro, o convenio contén dúas cláusulas polas que se establece unha relación de reciprocidade e traballo conxunto. Por este acordo, a Fundación Centro Superior Cinexético e Piscícola de Galicia, comprométese a ceder de maneira gratuíta os seus terreos e instalacións en San Xuán de Tor (Monforte de Lemos) á Asociación de Troiteiros “Río Furelos” que, pola súa parte se compromete a instruír aos seus asociados, tal como o vén facendo dende a súa fundación, en prácticas de pesca e outras actividades beneficiosas co medioambiente, nomeadamente cos nosos ríos. Ademais este acordo comprométenos a trasladar á citada Fundación, de maneira desinteresada, todos os datos e informacións referentes a todo aquilo que teña que ver coas capturas, a súa tipoloxía e todo o referente ás agresións medioambientais detectadas pola nosa Asociación.

O convenio, que foi asinado en Monforte de Lemos polo Director Xerente da Fundación Centro Superior Cinexético e Piscícola de Galicia, Francisco García Bohadilla e polo presidente da Asociación de Troiteiros “Río Furelos” Xavier Pazo Blanco é un pasiño máis nese longo camiño que nos queda por percorrer a prol da recuperación da nosa inmensa riqueza fluvial, tan maltratada e ignorada nas últimas décadas.

+info:

La Voz de Galicia

El Correo Gallego