"O Concello de Melide vaise presentar como acusación partícular", sabemos que a moitos non lles vai gustar, pero non podemos seguir permitindo actos así.

Probablemente sexa certa esta afirmación. Probablemente manifeste temores atávicos. Porén vides de dar un gran paso: estades a abrir as portas da Casa do Concello.

Cuando unha era unha pícara e percorría as rúas de Melide naquelas inagotables batalhas entre a Alóndiga (maravilha desfeita por aquela dereita indefenibel...) e San Roque; entre o Cruceiro e o Castelo... digo que cuando percorríamos as rúas, nese fragor da batalha sempre achábamos um aquel para parar e olhar para as chaminés para procurar a dirección do vento... "Ven do Bocelo... Ven do Bocelo... e nevaba". Ledicia.

Do norte nunca veu nada malo para os melidáns. Do norte, do Bocelo, ven o Furelos. E brinca libre, orgulhoso... E recréase na Fervena e recibe cos seus brazos abertos aqueloutros que lhe aportan sabedoría e vida. Do norte ven o Catasol... Do norte ven o ar cando remata o San Roque e anuncia un tempo de repouso.

Mereceu a pena agardar tantos anos... Síntome orgulhosa de ter un goberno municipal que se pon a fronte da súa vila cargado de razóns.

"Sabemos que a moitos non lhes vai gustar", certo.

Tamén sabemos que a moitísimos si lles vai gustar: aos meus pais que nos levaban a Ponte Vella a nos bañar e merendar nos serán prenhados de felicidade. Aos meus netos porque de certo que van recibir un río mellor. Aos vecinhos e vecinhas que sabemos que se ven de pór unha primeira pedra para nos poder volver banhar na Tosta... a contorna do río... Aos esquíos brincadeiros entre os amieiros... Aos namorados que recuperan á ribeiro logo de estar aramada...

A velha troita asomou, máis umha vez, cun brinco rebelde e liscou río abaixo, na procura de augas máis profundas... no seu percorrido, xuráronme varios vecinhos, ía alegremente dicíndolhes aos ribeiráns que a querían escoitar "en Suevia ha ser primavera"... "en Suevia ha ser primavera"...

Sra. Alcaldesa Socorro Cea, Sr. Tte. de Alcaldesa Manuel Prado Puga vides de pór o primeiro caravel. Grazas.

Exeria Branco.

Recibido 19/12/2007 ás 23:15 horas 

Un total de 31 pescadores disputaron o pasado 17 de decembro o "V CONCURSO DE SURF-CASTING SANTIAGUIÑO DO MONTE", organizado polo clube W.LATORRE de Padrón.

A pesar das baixas temperaturas, en plena ola de frío en Galicia, e do mar batido que foi en aumento en toda a proba, os concursantes lograron un bo número de capturas.

Houbo concursantes de varias que non acadaron o podio. O vencedor foi Tino Rodríguez cun total de 6 capturas (4 sargos, 1 lubina e 1 lenguado) e 3000 puntos, seguido do ferrolán Eduardo Franco con 5 pezas e 2150 puntos e Luis Piñeiro, tercer clasificado, con 2 pezas e 1390 puntos. Antonio Quintana clasificouse cuarto con 2 pezas e 1120 puntos.

Tamén chega á Terra de Melide o frio anunciando o inverno inusual nesta época do ano con temperaturas moi frías.

O río Furelos, sucumbe ó frio destes días e despois de sufrir temperaturas mínimas de -9º e máximas de +3º, aparece conxelado. A auga aparece cuberta cunha capa de xeo de 2,5 cm. e faise insoportable o frío xélido e estar preto do seu cauce, perxudicando así a meirande parte dos veciños que van pasear pola súa ribeira, a non ser pola curiosidade do evento, algo que non recordan nin os máis vellos do lugar. 

O Centro Superior Cinexético e Piscícola de Galicia mantivo un encontro cos medios de comunicación galegos, especializados en pesca nas modernas e modélicas instalacións do Pazo de Tor en Monforte de Lemos.

A finalidade primordial da reunión era que Francisco García-Bobadilla Prosper, Director do Centro, dera a coñecer as actividades e proxectos para o ano que ven, ademáis de intercambiar opinións con outras partes implicadas sobre a actualidade da pesca continental en Galicia.

Bobadilla anunciou a creación do Comité de Homologación de Trofeos de Pesca, a Escola de Pesca con cursos de lance e montaxe, o Taller de Montaxe anual, a celebración dunha xornada de debate sobre a actualidade da pesca, a iniciativa de solicitar a  catalogación de "coto intensivo" ás lagoas da finca e o compromiso do Centro de sumar como patróns colaboradores a diversas sociedades das catro provincias galegas.

Asimesmo, fixo pública a invitación a tódalas sociedades de caza e pesca de Galicia para que se involucren no proxecto do Centro e participen nas actividades programadas para os próximos anos. Á reunión, ademáis da prensa, asistiron tamén recoñecidos representantes do sector piscícola coma o Presidente do Clube Salmo, Miguel Alvarez, e o Secretario da Asociación de Pescadores da Ulloa, Xosé Antonio Guerra; os maestros artesáns Julio Seijas, Oscar Gayoso e Xaquín L. Muíños; a alta competición de Galicia, David Arcai e Diego Abuín; o escritor e colaborador de prensa Juan José Moralejo e os máximos responsables da Feira Sidenatur. Na mesma reunión, Patricia Bermejo, Coordinadora da Fundación Rapala, fixo un repaso ás actuacións e actividades levadas a cabo nos últimos meses polo seu organismo en colaboración co Centro de Tor.

A reunión concluiu cunha visita ás instalacións, á finca e ás lagoas.

Gabinete de Comunicación do Pazo de Tor.